Pakitang Gilas: Paano magpalilt ng flat tire

Para sa Pakitang Gilas, kinailangan ko pa tandaan ang mga natutunan ko sa T.H.E.(Technology and Home Economics) class namin kung paano magpalit ng gulong at nagsaliksik pa ako para alam na alam  ko ang mge gagawin sa video.  Isang araw bago gawin ang video nagpatulong ako sa driver ko magpraktis kung paano magpalit ng gulong para sa paggawa ng video kaya ko na gawin ito mag-isa. Nahirapan ako sa pag-taas ng jack kasi dati sa T.H.E. class namin hydraulick jack ang ginamit namin kaya mas madali kaysa sa karaniwang jack na kailangan mo talaga gumamit ng pwersa para mag-ikot upang maiaangat ang jack. Ginawa namin ni Tuesday na mag shoot para sa video ng Thursday ng umaga. Nahihiya ako dahil si Tuesday ang kukuha ng video at ako lang ang na sa video nagsasalita at gumagawa. Masaya gawin ang pakitang gilas dahil ang dami ko natutunan katulad ng pag-kabisado ng script ay napaka-importante at dapat walang kaba-kaba dahil makikita ito sa video. Sobrang natuwa naman ako sa kinalabasan na video kasi ang galing ni Tuesday mag-edit at mapagmamalaki ko sa mga tao na kaya ko magpalit ng flat tire.

Sisterakas: Pelikula na "okay lang, matatwa ka"

     Kung tatanungin mo ako kung nagustuhan ko ang Sisterakas, ang sasabihin ko ay “Oo nag enjoy naman ako dahil maraming pagpapatawa na natawa talaga ako at ” pero pagtinanong mo ako kung maganda ba ang pelikula sasabihin ko “okay lang naman natawa ako, un lang”

     Hindi ka na magtataka na nanalo ang Sisterakas bilang “top-grossing” film sa MMFF. Kung ang hanap mo sa isang pelikula ay tumawa ng tumawa ito ang pelikula para sa iyo. Isa sa dahilan bakit sobrang mapapatawa ka sa ay dahil sa mga aktor at aktress. Pinagsama-sama si Vice Ganda, Kris Aquino at Ai-Ai Delas Alas sa pelikula na ito kaya natural lang ang mga patawa na maaring dahilan kaya  3^rd best picture ito.

 AKTOR PALANG SURE TAWA NA

    Kay Vice Ganda pa lang alam mo na siguradong magiging patok ang pelikula na ito. Walang duda ang galing ni Vice sa pag-papatawa sa mga tao. Natural na natural ang mga hirit niya na parang nanunuod ka lang ng Gandang Gabi Vice o di kaya Showtime. Masasabi rin na  hanggang  ngayon walang kupas pa rin ang  galing sa pag-acting ni Ai-Ai. May bahagi sa pelikula na mapapaiyak ka dahil sa awa sa karakter na ginagagampanan niya  at sobrang matatawa ka naman sa mga bahagi na sunod-sunod lang siya sa kahit anong ipagawa sa kanya ng boss niya. Hindi naman nagpatalo si Kris Aquino, sa role niya bilang kontra-bida makikita ang mga pagkanatural niya katulad ng mga tawa niya sa pelikula ganun rin naman siya tumawa sa totoong buhay, masasabi na parang hindi siya umaacting kasi ganun naman talaga ang natural niya at may mga bahagi naman na masyadong trying hard ang pagpapatawa niya kaya medyo nakakainis.

MASASABI NA ANG PELIKULA NA ITO AY “TOTOONG PINOY” O “GAWANG PINOY”.

      Isa sa mgaebidensiya nito ang paglgay ng mga na sikat sa panahon na ito na tanging tayo lang ang makakaintindi  katulad ng mga hirit na “ ikaw na” , “yup yup yup” at “amalayer”. Makikita rin ang pagka-komersyalismo ng pelikula nito katulad ng mga pagbabangit ng mga endorsement ng mga aktor at aktress sa pelikula katulad ng Downy commercial ni Kris Aquino at marami pang-iba. Hindi rin mawawala sa mga pelikulang Pilipino ang mga kwento na anak sa labas ng ama at paghihiganti na naging sentro ng “conflict” o away sa pelikula.

 TEKNIKAL NA ASPETO

      Ang editing sa storya para sa akin ay 3/5 o “ pede na pero puwede pa maayos” Bakit?  dahil may mga bahagi sapagpalit ng “scene” ay makikitang hindi maayos ang daloy. Simple lang ang editing nito walang masyadong special effects ang ginamit. Masasabi na okay lang naman ang cinematography at lightning ng pelikula pero hindi ito  outstanding pero okay lang naman dahil hindi mo na rin ito pinapasin kung hindi ito naging hadlang sa layunin ng pelikula na mapatawa ka.

 PAMPAMILYA NA KUWENTO  

      Ang pelikula na ito ay para sa lahat, sabi nga ng karamahin “pang-pamilya” talaga ito.    Bukod sa pagpapatawa, may mabuting aral na makukuha sa storya. Ang storya ay nagsimula sa pagpapakita kay Detty (na ginagapanan ni Ai-Ai) at Totoy Bernice (ginamapanan ni Vice Ganda). Si Bernice at si Detty ay mag half-sister dahil magkapareho sila ng ama. Pinakita na na-lumpo ang nanay ni Bernice at namuhay sila bilang mahirap habang ang pamilya naman ni Detty ay mayaman. Nang tumanda na sila, baliktad na ang nangyari yumaman si Bernice at ang kanyang minimithi ay gumanti sa mga umapi sa kanya at sa nanay niya at ito ang pamilya ni Detty. Si Bernice ay ginawa ang lahat ng makakaya para pahirapan si Detty.  Si Bernice ay may-ari ng isang fashion kompanya at kacompetensiya niya ang kompanya ni Roselle(ginagampanan ni Kris Aquino) na ginagawa ang lahat para maging no. 1 kahit na umabot na ito sa pangdadaya.

 Natapos ang storya sa pagpapatawad at pagbabati ng magkapatid. Nakita rin sa huli na si Roselle ay humingi ng patawad sa magkapatid at nagbagong buhay na.  Pinakita ng storya na walang magandang mangyayari sa paghihiganti at pang-dadaya pinapakita na makukuha ang tunay na kaligayahan pag-nagmamahalan.

 Maiisip mo na walang kakaiba sa ganitong storya, makikita ang pagka-typical pinoy na storya ngunit magugustuhan mo pa rin dahil sa mabuting aral at pagpapatawa. Masasabi ko na sa pangkahalatan ang pelikula ay mamarkahan ko ng 6/10 na parang sinasabi “okay lang, matatawa ka”.